ZIARA YA MHESHIMIWA MKUU WA WILAYA YA CHUNYA MH: REHEMA MADUSA KUKAGUA MIRADI YA MAENDELEO NA MIUNDOMBINU

Imewekwa: November 28th, 2017

ZIARA YA MHESHIMIWA MKUU WA WILAYA YA CHUNYA MH: REHEMA MADUSA KUKAGUA MIRADI YA MAENDELEO NA MIUNDOMBINU.

Mkuu wa wilaya ya Chunya Mh.Rehema Madusa leo tarehe 27/11/2017 alikua katika kijiji cha Lupamarket kata ya Ifumbo katika ziara ya kukagua miradi mbalimbali ya maendeleo pamoja miundombinu ya shule ikiwepo ujenzi wa nyumba ya walimu katika shule ya msingi Lupamarket. Katika ziara hiyo Mh.Mkuu wa wilaya aliambatana na Mkurugenzi Mtendaji wa Halmashauri ya Wilaya ya Chunya Bi. Sophia Kumbuli, Kaimu Afisa Elimu msingi Ndg Labrey Urasa Pamoja na kaimu Afisa Tawala wilaya Ndg.Kaisi

Mheshimiwa Mkuu wa wilaya alikutana Walimu na kamati ya shule ya Msingi Lupamarket ambao walimueleza changamoto wanazokumbana nazo ikiwepo upungufu wa vyumba vya madarasa, Ofisi ya walimu, Nyumba za walimu pamoja upungufu wa walimu. Kuhusu kero hizo Mheshimiwa Mkuu wa wilaya, Mkurugenzi Mtendaji pamoja na Kaimu Afisa Elimu waliahidi kuendelea kuzifanyia kazi Changamoto hizo.

Mwalimu mkuu shule ya Msingi Lupamarket akijibu maswali mbalimbali yaliyokuwa yakiulizwa na Mkuu wa wilaya pamoja na Mkurugenzi Mtendaji wilaya huku akisikilizwa kwa makini na walimu pamoja na kamati ya shule.

             
          Katika ziara hiyo Mkuu wa wilaya alikabidhi bati bando mbili (2) ambazo ni sawa na mabati 32 kwa Mkurugenzi Mtendaji wilaya kwa ajili ya ujenzi ya nyumba ya walimu

                       Mheshimiwa Mkuu wa Wilaya Rehema Madusa (kushoto) akimkabidhi bati Mkurugenzi mtendaji wilaya Bi. Sophia Kumbuli

Picha ya Pamoja ya Mheshimiwa Mkuu wa wilaya, Mkurugenzi Mtendaji, Kaimu Afisa Tawala wilaya, Walimu na kamati ya Shule baada ya makabidhiano ya Bati mbele ya Nyumba ya walimu ambayo bado ipo katika ujenzi.

                                                                
Mheshimiwa Rehema Madusa katikati, Mkurugenzi mtendaji Bi. Sophia Kumbuli kushoto wakiteta jambo na Mwalimu Mkuu shule ya msingi Lupamarket.

Katika ziara hiyo Mheshimiwa Mkuu wa wilaya alitoa maagizo yafuatayo:

• Choo cha walimu kimaliziwe ikiwa ni pamoja na kuwekwa mlango kwa choo cha kiume
• Serikali ya kijiji kuhakikisha kuna matumizi bora ya ardhi
• Ndani ya miezi miwili kuanzia leo tarehe 27/11/2017 nyumba ya walimu iwe imekamilika na ifungwe umeme wa jua (Solar energy)
• Eneo la shule lipimwe. Katika hili alisema eneo la shule linatakiwa liwe na hekta 5 ambazo ni sawa na ekari 10.
• Kila mwezi kuwe na majitoleo kwa ajili ya kuchangia shughuli za maendeleo
• Uongozi wa kijiji kuhakikisha mazingira yanatunzwa ikiwepo kuhakikisha hakuna ukataji hovyo wa miti.
• Afisa Elimu kuhakikisha mbao za kufundishia katika shule ya msingi Lupamarket zinapakwa rangi.