WADAU WA MICHEZO WAWAGUSA WANAFUNZI WENYE MAHITAJI CHUNYA.

Imewekwa: February 13th, 2026

Wadau wa michezo Wilayani Chunya wameungana na kuwasaidia wanafunzi wenye mahitaji maalumu na wanaoishi katika mazingira magumu kwa kuwapa vifaa mbalimbali ikiwa ni pamoja na madaftari , kalamu , mashati ya  shule , mchele, mafuta , sabuni na mahitaji mengine ambayo yatawasaidia wanafunzi hao kukidhi mahitaji yao.

Wadau hao wa michezo  kutoka Mbeya motor sport club, Ngindo campany limited, Mapesa company  limited na Nyondo company limited  wametoa vifaa vya hivyo pamoja na chakula leo tarehe 13/02/2026 katika Shule za msingi sita (6) zilizopo Halmashauri ya Wilaya ya Chunya.

Mkuu wa kitengo cha utamaduni Sanaa na michezo wa Halmashauri ya Wilaya ya Chunya Bi Coretha Kalanje pamoja na kuwashukuru wadau hao wamichezo kwa misada mbalimbali waliyoitoa kwa wanafunzi wenye mahitaji ,pia ametoa rai kwa wadau wengine kuendelea kujitokeza katika kuendeleza sekta ya michezo  ili kudumisha umoja, ushirikiano na  utamaduni kwa usatawi wa jamii katika nyanja za kiuchumi na  burudani

Afisa elim Maalum Wilaya ya Chunya Bi Hawa Mtonyole amesema kuwa jumla ya wanafunzi 252 wamenufaika na misaada ya wadau hao huku akiwaomba  wadau wengine kuendelee kujitokeza na  kuwasaidia wanafunzi wanaotoka kwenye mazingira magumu na wenye mahitaji maalum kwani bado watoto hao wanauhitaji mkubwa.

“Tunawashukuru sana wadau kwa kuwaona watoto hawa wenye mahitaji  kwa kuwapa madaftari na vifaa vingine kwani vitawasaidia katika masomo yao ikiwa ni pamoja na kuandika , pia tunawashukuru wadau kwa kutuletea chakula kwa watoto wenye mahitaji maalum hapa Shule ya msingi kibaoni kwani wanauhitaji mkubwa wa chakula lakini pia bado tuna wanafunzi  wengine wenye mahitaji maalum katika kituo cha lupa tingatinga na Makongolosi” Amesema Mwl Mtonyole

 Wakizungumza kwa nyakati tofauti tofauti wadauhao wa michezo  ndugu Steven Nyondo , ndugu  Alex Mpoma  , Wesday Nyondo, Joyce Ndolela  wamesema kuwa mbali na kuwa wameandaa mashindano ya mchezo wa magari (drift) lakini pia wao kwa umoja wao wameona  nivema kuwatembelea na kuwasaidia wanafunzi wenye mahitahi maalum na wanaoishi kwenye mazngira magum ili kuweza kuwasaidia mahitaji yao .

Mwalim Mkuu msaidizi wa Shule ya Msingi Mbugani Mwalim Jocia Ndalo amesema kuwa vifaa walivyopoewa wanafunzi wenye mahitaji maalum na wanaoishi mazingira magumu vitawasaidia kutatua changamoto zilizokuwa zikiwakabili ikiwa ni pamoja na kushindwa kuandika kwasababu yakukosa madaftari  pamoja na adha nyingine.

Wakizungumza kwa niaba ya wanafunzi wengine bi Sheila Amon  na Ndugu Ezekiel Elias wamewashukuru wadau wa michezo kwa misada mbalimbali waliyoitoa ikiwa ni pamoja na madaftari kalam, soksi  masharti ,chakula na vifaa vingine huku wakiahdi  kusoma kwa bidi ili waweze kutimiza ndoto zao.

Mchezo wa magari( drif ) ulioandaliwa na wadau wa michezo unaotarajia kufanyika tarehe 14/02/2026 ambapo leo tarehe 13/02/2026 wadau hao wamewatembelea wanafunzi wenye mahitaji maalum na wanaoishi mazingira magum na kuwapa vifaa mbalimbali vya Shule pamoja na chakula  katika shule sita (6) za msingi ikiwa ni pamoja na Shule ya msngi Chokaa, Kibaoni, Kiwanja, Mbugani Chunya Mjini na Chunya kati .

Mwenyekiti wa Mbeya Motor sport club Ndugu Steven Nyondo akikabidhi madaftari na kalam bi Sheila Amoni  mmoja ya wanufaika wa msaada huo kkatika Shule ya msingi Chokaa.

Baadhi ya misaada iliyokabidhiwa kwa wanafunzi wenye mahitaji maalum Shule ya msingi kibaoni ikiwa ni pamoja na Sabuni, Mchele , mafuta ya kupikia, madaftari, na vitu vingine .

Wanafunzi wa Shule ya Msingi Mgugani wakiwa wameshika madaftari, kalamu ,rula na penseli vifaa ambavyo wamekabidhiwa na wadau wa michezo ili kutatua baadhi ya changamoto zinazowakabili wanafunzi hao.