Uchaguzi

KITENGO CHA UCHAGUZI.

Kitengo hiki ni miongoni mwa vitengo sita katika muundo mpya wa Serikali za mitaa uliohuishwa mwaka 2011.

Kitengo kinapaswa kuwa na watendaji wa siku kwa siku watatu (03), lakini kutokana na uhaba wa watumishi mpaka sasa yupo mtumishi mmoja ambaye ndiye mratibu mkuu wa masuala yote ya Uchaguzi Wilayani.

Ili kurahisisha shughuli zake hasa kipindi cha uchaguzi, hufanya kazi kwa kushirikisha watendaji wa Idara mbalimbali ikiwa ni pamoja na watendaji wa kata zote na vijiji.

MAJUKUMU YA MKUU WA KITENGO.

1. Kumshauri Mkurugenzi Mtendaji Wilaya kwa shughuli zote zinazohusu uchaguzi Wilayani.
2. Kuhakikisha kuwa shughuli za Uchaguzi zinatekelezwa kwa kufuata sheria, kanuni, taratibu na miongozo mbalimbali itolewayo na mamlaka husika.
3. Kufanya mawasiliano na mamlaka husika kuhusu ujazaji wa nafasi wazi zinapojitokeza kwa viongozi wa kuchaguliwa.
4. Kutunza kumbukumbu mbalimbali zinazohusa chaguzi, zikiwemo za vijiji, kata na hata Jimbo.
5. Kushughulika na utatuzi wa kero mbalimbali zinazohusiana na masuala ya uchaguzi kwa viongozi wa vijiji na vitongoji.
6. Kutoa elimu kwa viongozi wa kuchaguliwa kuhusu wajibu na majukumu yao ya kila siku.
7. Kuwa kiungo kati ya Tume ya Taifa ya Uchaguzi na Halmashauri ya Wilaya kuhusu masuala yote yanayohusu chaguzi na viongozi wa kuchaguliwa.
8. Kutekeleza majukumu mengine toka kwa Mkurugenzi Mtendaji au Afisa mwingine kwa niaba ya Mkurugenzi Mtendaji Wilaya
   
                                                       soma zaidi uchaguzi.pdf