UTEKELEZAJI WA ILANI YA CHAMA CHUNYA TUKO VIZURI .

Imewekwa: April 7th, 2024

Mkuu wa Wilaya ya Chunya Mhe. Mbarak Alhaji Batenga  amemwambia  Mwenyekiti  wa Chama cha Mapinduzi Mkoa wa Mbeya   kuwa  utekelezaji wa ilani ya Chama cha Mapinduzi kwa Wilaya ya Chunya unakwenda vizuri huku akitaja baadhi ya maeneo kama ujenzi na usimaz mzuri wa miradi ya maendeleo , ukusanyaji wa mapato ya Serikali pamoja na kutatua kero mbalimbali zzinazowakabili wananchi.

Kauli hiyo  ameitoa April 6, 2024 wakati akitoa salamu za Serikali mbele ya Mwenyekiti wa Chacha Cha Mapinduzi Mkoa wa Mbeya wakati wa  kilele cha maadhimisho ya wiki ya Umoja wa wazazi wa jumuiya ya Chama cha Mapinduzi yaliyoadhimishwa kimkoa katika kata ya Sangambi, Halmashauri ya wilaya ya Chunya.

“Nikuhakikishie utekelezaji wa  Ilani ya chama kwa Wilaya ya Chunya tuzo vizuri sana hapa walikuwa wanazungumza juu ya kituo cha afya cha Sangambi naomba nikuhakikishie kwamba kituo hiki tunakijenga kwa kutumia mapato ya ndani  lakini pia kwa upande  wa ukusanyaji wa mapato ya serikali kwasasa  hivi Wilaya ya Chunya ndio tunaongoza kwa ukusanyaji wa mapoato kwa  Mkoa wa Mbeya hii ni kutokana na jinsi ambavyo tumejipanga kuitekeleza Ilani” alisema Mhe.Batenga

Akizungumza na hadhara iliyokusanyika katika shrehe hizo Mwenyekiti wa Chama Cha Mapinduzi Mkoa wa Mbeya ndugu Patrick Mwalunenge  aliyekuwa Mgeni rasmi katika maadhimisho hayo ameitaka jamii kuwalea watoto katika maadili mazuri ili wawe waadilifu katika maisha yao ya baadaye huku akionya malezi mabaya yanayotolewa na wazazi na walezi kwa watoto wao.

“Leo niwaambie wanasangambi tatizo la mmomonyoko wa maadili ni kubwa sana  tumeona kila siku Rais wetu Dkt Samia Suluhu Hassan akitumia gharama kubwa sana kuwabadilisha vviongozi katika nafasi zao  kutokana  na ubadhilifu na udanganyifu katika  mali za umma hayo yote yanatoka kwetu sisi kutokana na malezi kwasababu wale ni watoto ambao tumewalea sisi wenyenyewe”.    Alisema Mwalunenge.

Naye Mwenyekiti wa jumuiya ya wazazi   wa Chama Cha Mapinduzi Mkoa wa Mbeya ndugu Jmames Mwampondele  amesema kuwa lengo la maadhimisho hayo kama jumuiya ya wazazi ni kuhakikisha wanasimamia maadili, malezi , Mazingira pamoja na mambo mbalimbali ikiwa ni pamoja na ukatili wa Kijinsia kwa kutoa elimu kwa wanajamii na wana CCM ili kutengeneza jamii bora.

Maadhimisho hayo yameadhimishwa  Aprili 6, yakiongozwa na  na kauli mbiu isemayo Ushindi wa CCM 2024-2025 Umoja wa Wazazi Tupo mstari wa Mbele yameenda sambamba na  utoaji wa elimu mbalimbali kuhusu mmomonyoko wa maadili kutoka kwa wadau na taasisi mbalimbali, na  yamehudhuriwa na viongozi wa chama cha Mapinduzi kuanzia ngazi ya Mkoa hadi ngazi ya jijiji, wanachama wa Chama cha Mapinduzi pamoja na viongozi wa Serikali kutoka ngazi Mbalimbali za uongozi.

Mwenyekiti wa Chama cha Mapinduzi ndugu Patrick Mwalunenge mgeni rasmi   akizungumza mambo mbalimbali ya juu ya utekelezaji wa ilani pamoja na masuala ya mmomonyoko wa maadili katika jamii wakati wa kilele cha maadhimisho ya wiki ya  Umoja wa wazazi Jumuiya  CCM yaliyoadhimishwa katika kata ya Sangambi Wilayani Chunya.

Baadhi ya wanachama wa Chama Cha Mapinduzi CCM na Wananchi waliojitokeza katika sherehe za kilele cha wiki ya  Maadhimisho ya  Umoja wa wazazi jumuiya ya CCM yaliyofanyika kimkoa katika Wilaya ya Chunya kata ya Sangamgi 

Mgeni rasmi ndugu Patrick Mwalunenge Mwenyekiti wa Chama Cha Mapinduzi CCM Mkoa wa Mbeya akiserebuka pamoja bandi ya Yangagilashila  wakati wa sherehe za kilele cha wiki ya maadhimisho ya Umoja wa wazazi jumuiya ya CCM yaliyofanyika katika kata ya Sangambi Wilaya ya Chunya