UBORESHAJI WA DAFTARI LA KUDUMU LA WAPIGA KURA JIMBO LA LUPA-CHUNYA DC

Imewekwa: December 14th, 2019

Mkurugenzi Mtendaji wa Halmashauri ya Wilaya ya Chunya anapenda kuwajulisha kuwa tume ya Uchaguzi itaanza kutekeleza zoezi la Uboreshaji wa Daftari la Kudumu la wapiga Kura katika Wilaya ya Chunya kuanzia tarehe 17/12/2019 ambapo Vituo vya  Uboreshaji vilivyopo katika Kata zote 20 za Wilaya ya Chunya vitafunguliwa saa 2:00 asubuhi na kufungwa saa 12:00 jioni kila siku.

Walengwa  wa zoezi hili la Uboreshaji wa Daftari la Kudumu la Wapiga Kura ni wafuatao:-

i/. Raia wote wa Tanzania waliotimiza umri wa miaka 18, lakini hawajawahi kujiandikisha,  yaani hawakuwahi kuwa na kitambulisho cha Mpiga Kura cha 2015

ii/. Raia wote wa Tanzania watakaotimiza umri wa miaka 18  ifikapo tarehe 22 Oktoba 2020 au kabla ya hapo.

iii/. Wale wote waliowahi kujiandikisha na kupewa kadi ya Mpiga Kura , lakini kwa sababu moja ama nyingine wanahitaji kupewa kadi mpya kutokana na mojawapo ya sababu zifuatazo

  A) Kadi husika kupotea, au

  B) kadi husika kuharibika,  na au

  C) Mhusika amebadilisha makazi kutoka kata, Wilaya na Mkoa mmoja kwenda mwingine.

            D) Mhusika anaboresha tarehe, jina,umri au jinsia kama ilikosewa.

Kwa hiyo, Wananchi wote wa wilaya ya Chunya mnaombwa kujitokeza kushiriki zoezi hili muhimu ndani ya muda huu mfupi uliopangwa.

NB: WANANCHI AMBAO TAARIFA ZAO ZIPO SAHIHI NA HAWAJAHAMA MAENEO YAO WALIYOANDIKISHWA MWAKA 2015 HAWANA HAJA YA KUJITOKEZA KATIKA UBORESHAJI HUU HIVYO WANAASWA KUJIANDAA NA UCHAGUZI WA MWAKA 2020.