SERIKALI WILAYANI CHUNYA IKO TAYARI KWENDELEA KUSHIRIKIANA NA CRDB.

Imewekwa: November 6th, 2024

Mkuu wa Wilaya ya Chunya Mhe Mbaraka Alhaj Batenga ametoa rai kwa benki ya CRDB  kuangalia uwezekano wa kuwasaidia wachimbaji wadogo hususani Wanawake na Vijana ili waweze kujikwamua kiuchumi na kujipatia kipato kupitia sekta ya madini kama ambavyo wanafanya katika  sekta zingine za kilimo na biashara  na kuahidi kuendelea  kuwapa ushirikiano muda wote utakapo hitajika

Kauli hiyo ameitoa leo tarehe 6 Novemba 2024 ofisini kwake  alipotembelewa na wadau kutoka benki ya CRDB kanda ya nyanda za juu  kwaajili ya mazungumzo ili kuendelea kukuza na kuboresha huduma zao.

Aidha Mhe Batenga  ametoa pongezi kwa benki ya CRDB kwa kuwa na huduma ya kibenki  inayotembea  (bank mobile service) hususani kwa maeneo ambayo hakuna matawi ya benki hiyo ili kurahisisha upatikanaji wa huduma kwa wateja wanaowahudumia katika maeneo  yao wanayoishi  au maeneo wanayofanyia kazi.

“Niwapongeze kwa kuwa na  huduma inayotembea (mobile service)  ambayo inasaidia sana kwa wakulima wetu huhssani kwa maeneo kama lupa  na  wakati mwingine ni vyema mkafanya utafiti wenu kuona uwezekano wa kufungua tawi Lupa ili kuwapunguzia adha wateja wenu kusafiri umbali mrefu kufwata huduma lakini pia kwa usalama wa fedha za wateja wenu”amesema Mhe.Batenga

Naye Meneja wa Biashara benki ya CRDB  kanda ya ya nyanda za juu  Bi Domina Mwita amesema kuwa lengo la ziara yao  ni kutoa shukrani  kwa Uongozi wa Wilaya ya Chunya kwa ushirikiano ambao wameendelea kuutoa kwao kamawadau wa benki hiyo lakini pia kufahamiana na kuona namna ya kuongeza wigo Zaidi wa kuwahudumia wanachunya katika Nyanja tofauti tofauti.

Bi Domina pia amekiri kupokea maoni yaliyotolewa na Mkuu wa Wilaya ya Chunya na kuahidi kuyafanyika kazi ili kuendelea kuboresha Zaidi huduma zao  ikiwa ni pamoja na kuona namna ya kuwasaidia  mikopo wachimbaji  wadogo ili kukuza mitaji yao lakini pia kuendelea kutoa elimu za kifedha kwa wadau wao ili kukuza uelewa .

Wafanyakazi wa benki ya CRDB wametembelea ofisi ya Mkuu wa Wilaya, Ofisi ya Mkurugenzi Mtendaji wa Halmashauri ya Wilaya ya Chunya  kukutana na viongozi wengine na  wadau mbalimbali   wa Chunya na kufanya nao mazungumzo ili kuboresha na kukuza huduma zao pamoja na  kuzichukua changamoto mbalimbali zinazowakumba  wateja wao ili kufanya maboresho .

Mkuu wa Wilaya ya Chunya Mhe.Mbaraka Alhaj Batenga akizungumza na wadau kutoka benki ya CRDB kanda ya nyanda za juu  walipomtembelea ofisini kwake kuona namna kukuza  na kuendelea kutoa huduma bora kwa wananchi wa Chunya.