MKAWE MABALOZI WA MFUMO WA SIS KWA WALIMU WENGINE.

Imewekwa: January 14th, 2026

Afisa tawala Wilaya ya Chunya Bi Semwano Mlawa amewataka walimu wakuu, wakuu wa shule , walimu wa takwimu na walimu wa Tehama walioshiriki mafunzo  ya  mfumo wa ukusanyaji taarifa Shuleni   School Information System  (SIS) kwenda kuwa mabalozi wa mfumo huo kwa walimu wengine   ili kurahisisha utekelezaji wa majukum yao   lakini pia kuendana na kasi ya teknolojia  ya sasa inayotumia mifumo mbalimbali ya kidigitali

Kauli hiyo ameizungumza leo tarehe 14/01/2025 wakati akifungua mafunzo ya   mfumo wa ukusanyaji taarifa Shuleni (SIS)  yaliofanyika katika Ukumbi wa mikutano wa Sapanjo Halmashauri ya Wilaya ya Chunya.

“ Kwadunia ya sasa kwa namna yoyote ile hatuwezi kuepukana na masuala ya mifumo  tutake tusitake mifumo  ipo  na itaendelea kuwepo kwasababu kizazi tunachoendelea nacho ni kizazi cha tofauti, kuna mifumo mingi sana kwahiyo ni lazima tuendane na mifumo ya kidunia inavyoenda, hivyo walimu mliohudhuria mafunzo haya mkawe mabalozi kwa walimu wengine Shuleni  mnakotoka” amesema Bi Semwano

Aidha ameongeza kuwa mfumo huu utasaidia kurahisisha ukusanyaji wa taarifa kwa ujumla kwa wanafunzi na walimu hivyo kumuwezesha mwalimu kutekeleza majukumu mengi kwa wakati mfupi na kwa urahisi Zaidi kwa kutumia mfumo kukusanya taarifa za Walimu na wnafunzi.

Afisa elimu vifaaa na takwimu  Msingi  Mwl Gerald Shitindi amesema kuwa lengo la mafunzo hayo ni kuwawezesha walimu kuujua mfumo wa ukusanyaji taarifa Shuleni   School Information system ( SIS)   na kwenda kuutumia kwaajili ya kuingiza taarifa mbalimbali za  walimu na wanafunzi kwa Shule za Msingi na Sekondari ikiwa ni pamoja na mahudhurio, ratiba za vipindi, uhamisho na taarifa zingine.

Wakizungumza kwa niaba ya walimu wengine  Mwl.Atanasi Mwakapelila na Mwl Levetina Mbilinyi wamesema kuwa mfumo wa  ukusanyaji taarifa Shuleni unarahisisha utekelezaji wa majukumu yao lakini pia mwalimu anaweza kufanya kazi kubwa kwa muda mchache  tofauti na ilivokuwa awali kabla ya mfumo.

Mafunzo hayo ya Mfumo wa ukusanyaji taarifa Shuleni  yatadumu kwa muda wa siku mbili  leo tarehe 14 na tarehe 15 kwa walimu wakuu wakuu wa shule , Walimu wa Tehema na walimu wa Takwimu  kwa Shule za msingi na Sekondari iili kuwawezesha walimu hao kuutumia mfumo hou ifikapo tarehe 15/02/2026 na kuendelea.

Afisa elimu vifaa na Takwim  Mwl Gerald Shitindi akieasilisha baadhi ya vipengele vilivyopo kwenye mfumo wa ukusanyaji taarifa Shuleni  wakati wa mafunzo kwa walimu yaliyofanyika katika Ukumbi wa mikutano wa Sapanjo Halmashauri ya Wilaya ya Chunya.

Afisa Tehama wilaya ya Chunya ndugu Mswaki Maganga akiwasilisha maada kuhusu ujazaji wa alama za wanafunzi kwenye mfumo wa ukusanyaji taarifa Shuleni (SIS). katika ukumbi wa mikutano wa Sapanjo Halmashauri ya Wilaya ya Chunya.

Walimu wakuu, Wakuu wa Shule , Walimu wa takwimu na walimu wa Tehama wakifuatilia Mafunzo ya mfumo wa ukusanyaji taarifa Shuleni  (SIS) katika ukumbi wa mikutano wa Sapanjo