MINADA YA MIFUGO CHUNYA , FURSA KWA WAFUGAJI NA WAFANYABIASHARA.

Imewekwa: July 23rd, 2024

Wananchi wa Halmashauri ya  Wilaya ya Chunya wameendelea kunufaika na uwepo wa minada ya Mifugo iliyoboreshwa kwaajili ya biashara  ya kuuza na kununua mifugo  kwa bei inayoendana na mifugo hiyo lakini pia kumwezesha mnunuzi kununua  mifugo ambayo ni halali na imekaguliwa  ili kumlinda mlaji .

Ndugu Kinawanga Samhenda Mfugaji na ndugu Hamis Pauyole Mfanya biashara ya Nyama ya Ngombe mwamewashauri wafugaji wanaouza mifugo yao majumbambani kupeleka mifugo yao kwenye minada iliyotengwa na serikali kwani inawasaidia wao kama wafugaji kuuza mifugo yao kwa utaratibu na   kwa bei shindani kulingana na mifugo yao kwani wanaouza Mifugo yao majumbani wanauza kwa bei ndogo kwasababu ya kukosa ushindani wa soko.

Afisa mifugo wa Halmashauri ya Wilaya ya Chunya  Dkt Benedicto Matogo akizungumza na wandishi wa Habari  kwenye Mnada wa Mapogolo kata ya Chokaa  amesema kuwa  uwepo wa minada umesaidia kuwaleta  wafugaji pamoja, kuleta ushindani wa wanunuzi jambo ambalo humletea faida mfugaji lakini pia minada hiyo imerahisha ukusanyaji wa mapato yanayotkana na biashara hiyo ya mifugo

“Minada hii iliyoboreshwa imekuwa nguzo kubwa ya uchumi wa serikali , wafugaji pamoja na wafanyabiashara wa mifugo kwani imekuwa chanzo kikubwa cha mapato kwa Serikali , wafugaji na wafanyabiashara  minada imepelekea uwepo wa  soko lenye ushindani wa  bei  kutokana na ujio  wa wafanyabiashara wengi wanaotoka maeneo tofauti tofauti na kumwezesha  mfugaji  kuuza mifugo yake kwa bei inayoendana na thamani ya mfugo’’ alisema Dkt Matogo

Naye afisa biashara wa Halmashauri ya Wilaya ya Chunya ndugu Lodrick Mwakisole ametoa wito kwa wanawake na vijana kuchangamkia fursa mbalimbali za kiuchumi  zinazopatikana katika maeneo ya Minada ya Mifugo ikiwa ni pamoja na kuuza na kununua mifugo, kuuza bidhaa mbalimbali kama vile  chakula vinywaji na biashara nyingine  kwani soko ni la uhakika kutokana na uwepo wa watu wengi wanaofika eneo la Mnada

‘’Kuna fursa kubwa kwa vijana na kinamama katika sekta ya mifugo kama unenepeshaji wa mifugo, vyakula vya mifugo lakini si hivyo tu kwenye eneo la mnada kuna biashara nyingine nyingi ambazo zinafanyika kama vile kuuza vyakula, nguo na biashara zingine’’ alisema Mwakisole

Mfugaji Kinawanga Samhenda na Mfanya biashara ya Nyama ya Ngombe ndugu Hamis Pauyole mwamewashauri wafugaji wanaouza mifugo yao majumbambani kupeleka mifugo yao kwenye minada iliyotengwa na serikali kwani inawasaidia wao kama wafugaji kuuza mifugo yao kwa utaratibu na   kwa bei shindani kulingana na mifugo yao kwani wanaouza  mifugo yao majumbani wanauza kwa bei ndogo kwasababu ya kukosa ushindani wa soko.

Halmashauri ya Wilaya ya Chunya ina minada ya Mifugo miwili (2) iliyoboreshwa na Mnada wa Sipa na Mnada wa Mapogolo  pamoja na Minada midogo midogo 13   ambayo hufanyika kila mwezi mara moja   na  kuwawezesha wafugaji na wafanyabiashara kuuza na kununua mifugo pamoja na bidhaa mbalimbali ambazo huuzwa katika meeneo hayo ya Minada  ili kujipatia kipato na kukuza uchumi wa mtu mmoja mmoja na kukuza uchumi wa Taifa.

 Ndugu Kinawanga Samhenda Mfugaji kutoka kijiji cha Sangambi akiwa katika Mnada wa Mapogolo uliopo kata ya Chokaa Halmashauri ya Wilaya ya Chunya  kwaajili ya kuuza Mifugo yake.

 Afisa Mifugo wa Halmashauri ya Wilaya ya Chunya Dkt Benedicto Matogo  akizungumza na wanahabari wakati wa Mnada wa Mifugo  uliofanyika katika Mnada wa Mapogolo kata ya Chokaa

Afisa biashara wa Halmashauri ya Wilaya ya Chunya ndugu Lodrick Mwakisole akielezea fursa mbalimbali zinazopatikana kwenye Minada ya Mifugo wakati alipokuwa kwenye Mnada wa Mifugo wa Mapogolo uliopo kata ya Chokaa.