MH. BITEKO APIGA MARUFUKU UCHIMBAJI WA MADINI MLIMA KAPUTA

Imewekwa: July 27th, 2021

Wazir wa madini Mh. Doto Biteko amepiga marufuku uchimbaji wa madini kwenye mlima Kaputa uliopo wilayani Chunya kutokana na mgogoro uliopo baina ya mwekezaji  Mazyele na wananchi. Mh.Waziri amefikia maamuzi hayo baada ya yeye mwenyewe kufika eneo la mlima huo ambao chanzo cha mgogoro huo ni wananchi kusema kwamba uchimbaji unafanyika kwenye maeneo ya makaburi na visima vya maji. Hata hivyo waziri aliona kwamba uchimabji ambao ulikuwa ukifanywa na mwekezaji haupo karibu na makaburi na visima vya maji ila wanaochimba karibu na makaburi ni wachimabji wadogo. Ili kumaliza mgogoro huo Mh. Waziri ameamua kusitisha uchimbaji wa madini katika mlima huo mpaka pale ambapo serikali itatoa maamuzi mengine.