KIKAO CHA BARAZA LA MADIWANI WILAYA YA CHUNYA 27/10/2017

Imewekwa: October 30th, 2017

KIKAO CHA  BARAZA LA MADIWANI HALMASHAURI YA WILAYA YA CHUNYA TAREHE 27/10/2017.

Katika kikao hicho waheshimiwa madiwani walipata nafasi ya kuuliza maswali ya papo kwa hapo na kupatiwa majibu kama ifuatavyo:

Mheshimiwa Magolo  M. Diwani wa kata ya Lupa aliuliza:-

Lini gari la kituo cha Afya Lupa litarejeshwa Lupa na kuendelea kutoa huduma?

Majibu: Gari hilo tayari limesharejeshwa kituoni ila dereva wa gari hilo alikuwa na matatizo ya kiafya. Mara tu baada ya matibabu atarejea kazini.

Maadhimio: Tarehe 28/10/2017 gari liwe linafanya kazi (DMO) atafute Dereva mbadala

Lini wataalamu wa zao la tumbaku mfano Bodi ya tumbaku CHUTCU watakuwepo kwenye vikao vya kisheria il kuweza kutoa majibu ya changamoto mbalimbali za zao la tumbaku kwenye vikao?

Maadhimio: CMT ijadili na kuwasilisha swala hilo ofisi ya fedha na mipango ili ijadiliwe na kuona namna wataalamu hao watakavyoweza kushiriki kwenye vikao vya kisheria ili kutoa majibu ya changamoto mbalimbali za zao la tumbaku.

Mh. Funga, diwani wa Kata ya Matwiga aliuliza juu ya

 Upotevu wa maji kweye Bwawa la matwiga

Ufafanuzi: Bwawa hilo baada ya kukamilika liliachwa wazi maji yaendelee kutoka ili kupima kama maji hayo yanaweza kutoka na kutumika mwaka mzima.

Ni lini tathmini ya ujenzi wa miundombinu itakamilika katika ujenzi wa Bwawa la matwiga ili wananchi wafurahie huduma?

Majibu: Swala hilo lipo kwenye bodi ya zabuni linafanyiwa kazi

YATOKANAYO NA MUKTASARI WA 26/07/2017

a) Kila kijiji kufyatua tofali 200,000 kwa ajili ya ujenzi wa miundombinu mbalimbali

 maadhimio: Baraza lijalo taarifa ya idadi ya tofali zilizofyatuliwa kwa kila kata na vijiji taarifa iwasilishwe

b) Wanafunzi wote wa kidato cha pili na nne wahamie mabwenini ili kuongeza ufaulu

-Taarifa ya maadhimio ya utekelezaji iliwasilishwa kuwa shule zote zimeshatekeleza isipokuwa Mtanila na Ifumbo

Maadhimio: Maafisa Elimu Msingi na Sekondari wafuatilie shule hizo ili kupata sababu ya shule za Ifumbo na Mtanila kutotekeleza agizo hilo.

c) Idara ya maendeleo ya Jamii kufanya tathmini ya vikundi vya kukopeshwa mikopo

maadhimio: Taarifa ya  tathmini hiyo iwasilishwe kwenye kikao cha kamati ya fedha, utawala na mipango cha Novemba 2017

d). Fedha za vikao vya mamlaka makongorosi

-Taarifa iliwasilishwa kuwa fedha hizo zimeshalipwa.

Maadhimio:Fedha zote zinazotakiwa kupelekwa mamlaka ya Mji mdogo Makongolosi zipelekwe kwa wakati. Endapo hakuna fedha za vikao vya mamlaka  basi hata vikao vya Halmashauri makao makuu visifanyike.

                                       Mwenyekiti wa Halmashauri Mh. Bosco Mwanginde katika Baraza la madiwani.

                   Mwakilishi wa Katibu Tawala Mkoa wa Mbeya Ndg. Damian P. Mwasiwolo akitoa salamu za Katibu tawala                              

                                     Mwenyekiti wa Chama cha Mapinduzi wilaya ya Chunya Mh. Noel Chiwanga akitoa salamu za chama Tawala.

                     Muwakilishi wa Chama Cha Demokrasia na Maendeleo Ndg. George K. Mtasha akitoa salamu za chama chake

                                                                                                Waheshimiwa Madiwani ndani ya Baraza