DC MAYEKA “TUNATAKA NAFASI YA KWANZA, YA TATU TUMEIZOEA”

Imewekwa: October 31st, 2023

Mkuu wa Wilaya ya Chunya Mhe. Mayeka S.Mayeka  amesema kuwa wazazi na walezi wanajukum kubwa la kuhakikisha wanashiriki vyema katika malezi  kwa kufuata na  kuzingatia  masuala mbalimbali  ya lishe  yanayotolewa na wataalam  ili kuiwezesha halmashauri kushika nafasi ya kwanza kwani imekuwa ikishika nafasi ya tatu mfululizo.

Kauli hiyo ameitoa leo tarehe 31/10/2023 wakati wa maadhimisho ya siku ya lishe kitaifa ambapo kiwilaya yameadhimishwa katika viwanja vya shule ya Msingi Mlimanjiwa iliyopo kata ya Mbugani wilayani Chunya.

‘’Nafasi ya tatu tumeizoea sasa tunataka nafasi ya kwanza niwaombe wazai, walezi na watoto mwendelee kusikliza na kufuata maelekezo ya wataalamu tulishika nafasi ya tatu kwasababu mlisikiliza na kufuata maelekezo ya wataalamu hivyo hata kushika nafasi ya kwanza itawezekana kama mtasikiliza na kufuatilia maelekezo yote mnayopewa na wataalamu.’’alisema Mhe. Mayeka.

Aidha amempongeza Mkurugenzi mtendaji , idara ya afya pamoja na idara zote  zinazohusika na masuala ya lishe kwa juhudi kubwa ambazo wamekuwa wakizifanya ikiwa ni pamoja na kutenga bajeti kubwa kwaajili ya kufanikisha masuala ya lishe  lakini pia  kuhakikisha watoto wanapata chakula wanapokuwa mashuleni.

Akitoa salam katika maadhimisho hayo Mkurugenzi mtendaji wa halmashauri ya Wilya ya Chunya ndugu Tamim Kambona amemuhakikishia mkuu wa Wilaya ya chunya kuwa uwezekano  wa kushika nafazi ya kwanza  upo kwani idara mbambali za halmashauri  zimepewa majukumu ya kutekeleza katika  masuala ya lishe ikiwepo idara ya kilimo  kwa kutengewa bajeti ili kuhakikisha mazao mbalimbali ya lishe yanalimwa na kutumiwa na wananchi ili kuboresha afya zao .

"lengo letu kama halmashauri ni kutoka kwenye nafasi ya tatu, ya pili na kushika nafasi ya kwanza kwani uwezo wa kufanya hivyo Mhe. Mkuu wa Wilaya tunao ni sisi kuamua na kujipanga kuhakkikisha yale yote yaliyoko kwenye bajeti zetu yanatekelezeka na hatimaye tuweza kufikia lengo la kushika nafasi ya kwanza katika masuala ya lishe” alisema Mkurugenzi.

Akimwakilisha Mgaga Mkuu wa Wilaya Daktari Edward Tengulaga  Mfamasia wa wilaya ya Chunya amesema kuwa lengo la kampeni ya lishe kwa Vijana rika balehe ni  kunusuru vijana rika balehe kwa kutoa elimu ya lishe kutokana na tafiti mbalimbali  zilizofanyika ambazozinaonyesha kuwa  hali duni ya lishe inaanzia mashuleni na kizaki kinachoathirika sana na lishe duni  ni kizazi rika balehe.

‘’Halmashauri ya Wilaya ya Chunya imefanya kampeni ya lishe kwa vijana rika balehe katika Shule za Sekondari Isenyela , Kiwanja na  Itewe Sekondari ambapo jumla ya vijana rika balehe  945 walipimwa hali ya lishae, wanafunzi wa kike 588 wanafunzi wa kiume  365 na kubaini wanafuzi 87 walikuwa na uzito uliozidi na wanafunzi 13 walionekana kuwa na ukondefu’’alisema  Tengulaga

Maadhimisho ya siku ya lishe kitaifa huadhimishwa kila mwaka mwezi Oktoba, kwa mwaka 2023/2024 maadhimisho haya yameadhimishwa leo 31/10/2023 yakioongozwa na kauli mbiu ‘’Lishe bora kwa Vijana Balehe, Chachu ya Mafanikio yao” ambapo wilaya ya Chunya imetumia viwanja vya shule ya msingi Mlimanjiwa kuadhimisha siku la Lishe Kitaifa ambapo yamekuhudhuriwa na Mkuu wa wilaya ya Chunya, Viongozi wa Chama cha Mapinduzi, Mkurugenzi mtendaji na  wataalam mbalimbali kutoka halmashauri , wananchi pamoja na wanafunzi wa Shule za Msingi na Sekondari.

Mkurugenzi Mtendaji wilaya ya Chunya Ndugu Tamimu Kambona akitoa salamu Mbele ya Mkuu wa wilaya ya Chunya wakati wa Maadhimisho ya siku ya Lishe yaliyofanyika viwanja vya shule ya msingi Mlimanjiwa

Kaimu Mganga Mkuu wa wilaya ya Chunya Dkt Edward Tengulaga akitoa salamu na mwenendo wa Lishe wilaya ya Chunya wakati wa Maadhimisho ya siku ya Lishe mwaka 2023 katika viwanja vya shule ya msingi Mlimanjiwa

Mkuu wa wilaya ya Chunya akimkabidhi cheti cha kufanya vizuri katika mkataba wa Lishe Mwalimu Mkuu wa Shule ya Msingi Mlima Njiwa mw. Asajile Juma Ndiga wakati wa Maadhimisho ya siku ya Lishe

Wanafunzi wa Shule ya Sekondari Isenyela wakishiriki Mchezo wa Kuvuta kamba kati ya Timu yenye Lishe bora na Timu yenye lishe Duni wakati wa maadhimisho ya siku ya lishe