DC MAYEKA APONGEZA JUHUDI ZINAZOFANYWA NA WCS CHUNYA

Imewekwa: November 4th, 2023

Mkuu wa Wilaya ya Chunya Mhe. Mayeka S. Mayeka  amewashukuru na kupongeza  juhudi mbalimbali  zinazofanywa na  Shirika lisilokuwa la kiserikali la Wildlife Conservation Society (WCS)  kwa kazi kubwa wanazozifanya katika kuisaidia serikali na jamii kwa ujumla wilayani Chunya.

Ametoa pongezi hizo leo 4/11/2023 kwenye kikao kilichofanyika katika Ofisi ya Mkuu wa Wilaya na kuhudhuriwa na Afisa uhifadhi wanyamapori wa Hamashauri ya wilaya ya Chunya, kamati ya usalama ya wilaya ya Chunya , kaimu katibu tawala na viongozi wengine wakiwepo viongozi mbalimbali wa shirika hilo kuanzia ngazi ya Taifa, Mkoa,  Mratibu wa mradi na wafanyakazi wengine  wa shirika hilo.

“Niwashukuru na kuwapongeza kwa  kazi kubwa  ambazo mnazifanya  Chunya  kwa kufanya shughuli mbalimbali ambazo mnaisaidia serikali na mmeweka alama katika halmashauri ya Wilaya ya Chunya  tunaona juhudi zenu  na niseme tu kwakila kitu mnachohitaji  milango iko wazi tunawakaribisha sana na tutawapatia ushirikiano wa kutosha”  alisema Mhe. Mayeka

Aidha Mhe Mayeka  amewaomba WCS  wanapokutana na wafadhili wao kuendelea kuangalia namna ambavyo wataendelea kuwasaidia wananchi  waliokubali  maeneo yao kuhifadhiwa kwaajili ya mapitio ya Wanyama kwani katika maeneo hayo wananchi  walikuwa wakiyategemea kwa shughuli mbalimbali  za kiuchumi kama kilimo , malisho mawindo pamoja na uvunaji wa asali  kwaajili ya kujipatia kipato.

“Kama tunataka uendelevu wa mradi kwa maeneo hayo ya hifadhi  ni vizuri kuiangalia jamii husika ya maeneo hayo na kuzisaidia   juu ya  shughuli ndogo ndogo ambazo  wanaweza wakazifanya kwaajili ya kujipatia kipato ikiwa ni pamoja na kuwatengea maeneo ya malisho kwaajili ya mifungo yao  kuwapandia nyasi kwaajili ya chakula cha mifugo lakini pia masoko kwaajili ya bidhaa zao kama vile asali. Aliongeza Mhe Mayeka

Awali akiongea katika kikao hicho Mkurugenzi wa WCS Mkoa wa Mbeya Dr Luthando Dziba akiwawakilisha viongozi wa taasisi hiyo  amemshukuru Mkuu wa wilaya kwa ushirikiano ambao wameendelea kuupata kwa kipindi chote  kupitia mradi wa Kuhifadhi mapitio ya Wanyama  yani Ruaha –katavi  unaotekelezwa katika maeneo ya Sipa, Kambikatoto , Bitimanyanga na Mafyeko kwa Halmashauri ya Wilaya ya Chunya.

‘’Tunashukuru kwa ushirikiano mkubwa ambao tunaupata kutoka kwako na Viongozi wengine , tumekuwa na  ushirikiano na mahusiano mazuri pia hata kwa jamii ambayo imetoa maeneo yao na tutakuwa na amani kama tutaacha alama kwa jamii ambako mradi huu unatekelezwa kwa kuangalia namna ambavyo na wao watanufaika’’ alisema  Dziba

Shirika la WCS linatekeleza miradi yake katika nchi za Afrika Mashariki ikiwemo Tanzania   ambako wanatekeleza mradi wa kuhifadhi mapitio ya wanyama poli   yani Ruaha –Katavi  katika maeneo tofauti tofauti na  Halmashauri ya Wilaya ya Chunya ikiwa miongoni mwa maeneo hayo yanayonufaika na WCS.

Mkurugenzi wa WCS Mkoa wa Mbeya Dr Luthando Dziba akizungumza jambo wakati wa kikao cha shirika hilo na Mkuu wa wilaya ya Chunya kilichofanyika katika ofisi ya Mkuu wa wilaya ya Chunya leo tarehe 4/11/2023

Mkuu wa wilaya ya Chunya Mhe Mayeka akizungumza kwa kushukuru mbele ya Uongozi wa WCS walipokuja ofisini kwake mapema leo tarehe 4/11/2023

Wajumbe wa kikao cha  Mkuu wa wilaya ya Chunya na WCS  Kilichoketi Mapema leo kilichofanyika ofisi ya Mkuu wa wilaya ya Chunya