DC BATENGA “MKURUGENZI HAKIKISHA KLABU ZOTE MASHULENI ZINAKUWA NA WALIMU WALEZI.

Imewekwa: February 24th, 2024

Mkuu wa Wilaya ya Chunya Mrakibu Mwandamizi wa Uhamiaji Mhe. Mubarak Alhaji Batenga amemwagiza Mkurugenzi Mtendaji Halmashauri ya Wilaya ya Chunya ndugu Tamim Kambona kuhakikisha Klabu zote zilizopo Mashuleni zinakuwa na walimu walezi pamoja na kuhakikisha wanajengewa uwezo ili waweze kuzisimamia vyema klabu hizo  ili klabu zitekeleze lengo lake ipasavyo.

Maagizo hayo ameyatoa  Februari 24/2023 Wakati wa Maadhimisho ya siku ya mwazilishi wa Skauti duniani ambapo Halmashauri ya wilaya ya Chunya yaliyofanyika katika viwanja vya Shule ya Sekondari Kipoka kata ya Bwawani na Mkuu wa wilaya ya Chunya alikuwa Mgeni rasmi katika Maadhimisho hayo

“Natoa maelekezo kwa Mkurugenzi Mtendaji  kuhakikisha kwamba haya maeneo yote  yani klabu ya Skauti , klabu ya kupinga rushwa, klabu ya mali hai ,klabu ya lishe na Ukimwi klabu zote hizi zipate walimu walezi na ziwe na wanachama kuanzia Shule za Msingi hadi Sekondari  kwasababu huko  ndiko tunakoaanza kuwaandaa  na kuwajenga hawa vijana kuwa wazalendo kwaa Taifa lao “alisema Mhe.Batenga

Aidha Batenga aliongeza kuwa ni vizuri wanafunzi kujitafutia sifa za ziada wanapokuwa shule kwa kujiunga na klabu mbalimbali   ambazo zitawawezesha kujifunza mambo mengi yenye manufaa kwao na taifa kwa ujumla ikiwa ni pamoja na kuwajenga kuwa  wazalendo na  taifa lao ,watunzaji wa mazingira , wapinga rushwa  pamoja na mambo mengine lakini pia klabu zitawasaidia  katika maisha yao ya baadae kwenye soko la ajira.

“Sifa za ziada na  misingi ya  uzalendo  itajengwa  kupitia Skauti ,  kilabu za kupinga rusha , Lishe ,Ukimwi  na klabu  za  mali hai tunasema hawa ni wazalendo  kupitia matendo kwani uzalendo ni vitendo tukakupima uzalendo kupitia viashiria vya uzalendo  ambavyo tunaviangalia huku huku kwanye klabu zetu “alisema Mhe. Batenga

Wakiongea kwanyakati tofauti Afisa elimu Msingi mwalim John Gwimile na Afisa elimu Sekondari mwalim Hamis Mapoto wamewapongeza Skauti kwa kazi nzuri wanazozifanya ikiwa ni pamoja na kutunza mazingira kwa kupanda miti katika maeneo mbalimbali  ya Shule na kuwataka waitunze miti hiyo vizuri kwa kuhakikisha wanaimwagilia maji wakati wa kiangazi  ili miti hiyo iweze kustawi vizuri .

Akisoma risala kwa Mgeni rasmi kamishina wa Skauti Wilaya ya Chunya ndugu Joseph Kansato amesema kuwa katika  klabu yao ya skauti  wao kama wanachama wamekuwa wakifanya mambo mbalimbali ikiwa ni pamoja na kuandaa mafunzo kwa vijana katika makambi,kufanya usafi katika maeneo ya jamii, upandaji wa miti pamoja na kushiriki matukio mbalimbali ya kitaifa  kama vile Kukimbiza Mwenge na matukio mengine .

Kwa niaba ya wanachama wengine wa Skauti Crispa Obeth  kutoka Kipoka sekondari  kidato cha (II)na Gradness Mwakyembe darasa la (V) kutoka Shule ya Msingi Bwawani  wamesema kupitia Skauti wamejifunza mazoezi ya kujenga afya zao lakini pia wamejifunza kuwa wazalendo kwa Taifa lao jambo hilo huwasaidia kujua histoia ya Taifa lao na uzalengo wa viongozi waliotangulia

Maadhimisho ya mwazilishi wa Skauti duniani huazimishwa kila mwaka ifikapo 22 Februari  ambapo kitaifa kilele cha maadhimisho hayo  kimefanyika  tarehe 24 Februari  2024   ambapo Wilayani Chunya  wameadhimishwa kwa kupanda miti 300 katika maeneo ya Shule ya Sekondari Kipoka na kauli mbiu ya maadhimisho hayo ni “Skauti mmoja mti mmoja”  

Mkuu wa Wilaya ya Chunya mhe.Alhaji Batenga katikati akiwa ameambatana na  Kaim Kamishina wa Skauti aliesimama upade wa kulia ndugi Ambakisye Mwambije wakielekea viwanja vya Shule ya Sekondari Kipoka

pamoja na wanachama waskauiti

Mhe.Batenga akizungumza na wanachama wa Skauti pamoja na maafisa mbalimbali wakati wa maadhimisho ya siku ya mwazilishi wa Skauti yalitoazimishwa ki Wilaya katika viwanja vya Shule ya Sekondari Kipoka.