WADAU WA AFYA NA MAENDELEO YA VIJANA WAKUMBUSHWA MAMBO YA KUZINGATIA KATIKA UTELKELEZAJI.

Imewekwa: January 22nd, 2025

Mkuu wa divisheni ya maendeleo ya jamii Bi Marietha Mlozi  amewataka  wadau wa mashirika yasiyokuwa ya kiserikali kuzingatia mambo muhimu yatakayowasaidia katika utekelezaji wa shughuli zao ikiwa ni pamoja na  kuwasilisha taarifa za robo za utekelezaji wa shughuli zao  katika idara husika, ushiriki wa wadau hao  katika vikao mbalimbali, kulipa ada za kila mwaka na mambo mengine mengi.

Kikao hicho cha wadau  kimeketi  leo Tarehe 22/01/2025 katika Ukumbi wa mikutano wa Omary City  Wilayani Chunya na kuhusisha wadau mbalimbali  wanaotekeleza miradi ya afya na maendeleo kwa vijana kimeandaliwa na shirika la DSW linalotekeleza mradi wa afya na maendeleo kwa vijana(REST)  kwa kushirikiana na Ofisi ya Mkurugenzi Halmashauri ya Wilaya ya Chunya.

Wadau  hao wa mashirika yasiyokuwa ya kiserkali wanaotekeleza miradi ya afya na maendeleo ya  vijana wamekutana na kujadili mambo mbalimbali ikiwa ni pamoja na uwasilishwaji wa shughuli mbalimbali zinazotekelezwa na mashirika hayo kwa lengo la kufahamiana , pamoja na kubadilishana uzoefu katika utekelezaji wa majukum yao.

Naye Mkurugezi wa Shirika la DSW ndugu Peter Owaga mbali na kuelezea shirika hilo, ameeleza pia shughuli mbalimbali zinazotekelezwa katika maradi wa afya na maendeleo ya vijana (REST) huku akiwataka wadau wanaotekeleza miradi ya afya na maendeleo kwa vijna kuendelea kushirikiana  ili kumuwezesha na kumsaidia kijana  kubaki salama  ikiwa ni pamoja na kujitambua katika masuala mazima ya afya ya uzazi, pamoja na kujikwamua kiuchumi.

“Ndugu wadau leo tumefahamiana na kujua kila mmoja wetu kazi anazofanya na maeneo anayofanya kazi, hivyo sisi kama wadau tunaweza kuona namna gani tunaweza kushirikiana katika utekelezaji wa shughuli zetu kwa maeneo yale ambayo tunatekeleza mradi , sambamba na hilo tunaweza kushirikiana hata katika  maandiko mbalimbali kwasababu kazi yetu kubwa kama wadau ni kutatua changamoto zilizopo kwenye jamii.”amesema Owaga.

Aidha, wadau hao wamewasilisha shughuli mbalimbali wanazofanya ikiwa ni pamoja na mapambano dhidi ya ukatili wa kijinsia ,uwezeshaji wa vijana kiuchumi , elimu ya afya ya uzazi kwa vijana  ikiwa ni pamoja na mapambano dhidi ya magonjwa ya ngono na mambo mengine mengi yanayolenga kutatua changamoto katika jamii hususani kwa vijana ambao ni taifa la leo na kesho.

Kikao kazi cha wadau wanaotekeleza miradi ya  afya na maendeleo ya Vijana kimewahusiaha wadau wa mashirika mbalimbali yanayotekeleza miradi yake katika halmashauri ya Wilaya ya Chunya, mashirika hayo ni pamoja na shirika la DSW,HJMFRI,TDFT,PASADA,PHEDEA, Tasnema, Prospering for mind and window for Justice kwa lengo la kufahamiana na kuweka mipangokazi itakayo endelea kuwakutanisha  wadau hao pamoja.

Mkurugenzi wa shirika la DSW Ndugu Peter Owaga  akizungumza na wadau wanaotekeleza miradi ya afya na maendeeo ya Vijana namna ya kuendeleza ushirikiano wao katika kutatua changamoto mbalimali za vijana katika jamii wakati wa kikao kazi na wadau hao kilichoketi ukumbi wa mikutano wa Omary City Wilayani Chunya.

Mratibu wa mradi wa Afya na maendeleo ya vijana (REST) Bi celina Protas akielezea shughuli  zilizotekelezwa kupitia mradi huo wakati wa kikao kazi na wadau wa mashirika yasiyo ya kiserikali katika Ukumbi wa mikutano wa Omary City Wilayani Chunya.

Afisa Maendeleo ya jamii Vijana  Halmashauri ya Wilaya ya Chunya Ndugu James Sunge  akiwakumbusha wadau juu ya usajili na wa mashirika yasiyokuwa ya kiserikali wakati wa kikao kazi cha wadau wa afya na maendeleo ya vijana kilichefanyika katika Ukumbi wa Mikutano wa Omary City Wilayani Chunya.