VYAMA VYA SIASA KUHAMASIHA WANANCHI KUJITOKEZA KWENYE UBORESHAJI DAFTARI LA KUDUMU LA MPIGA KURA.

Imewekwa: December 21st, 2024

Afisa Mwandikishaji Jimbo la Lupa Wilayani Chunya Wakili Athumani Bamba amefanya kikao na viongozi wa vyama vya siasa kwaajili ya kujadili mambo mbalimbali ikiwa ni pamoja na kuwajulisha juu za zoezi la uboreshaji wa daftari la kudumu la Mpiga kura kwani vyama vya siasa ni wadau wa kubwa wa zoezi hilo ili waweze kusaidia kuhamasisha jamii kujitokeza   kujiandikisha na kuboresha taarifa zao katika daftari la kudumu la Mpiga kura

 Mazungumzo hayo yamefanyika katika Ofisi za Uchaguzi  jimbo la Lupa  Wilaya ya Chunya Leo Tarehe 21/12/2024 ambapo Viongozi mbalimbali wa vyama vya Siasa Wilaya ya Chunya wameshiriki

“Zoezi la uandikishaji litaanza rasmi tarehe 27/12/2024 hivyo lengo la kikao hichi ni kuwapa taarifa ninyi kama viongozi wa vyama vya sias kwasababu tunajua mnamtaji mkubwa wa watu hivyo mtatusaidia kuhamasisha na kuwajulisha Wananchi juu Ya zoezi la kujiandikisha pamoja na kupeleka Mawakala wenu katika vituo vya kujiandikishia”

Aidha Afisa mwandikishaji jimbo la Lupa ameongeza kuwa Tume ya Taifa ya Uchaguzi ipo Wilayani Chunya kwaajili ya kuhakikisha zoezi la uboreshaji wa daftari la kudumu la Mpiga kura linafanyika kwa ukamilifu kwani zoezi hilo limeeanza na utolewaji wa Mafunzo kwa Maafisa waandikishaji wasaidizi ngazi ya kata na mafunzo hayo yataendelea kwa wahusika wengine wa zoezi hilo pamoja na kuapishwa kwa Mawakala wa vyama vya siasa

Naye Afisa Uchaguzi Wilaya ya Chunya ndugu Ridhiwani Mshighati  amesema kuwa zoezi la uboreshaji wa daftari la Mpiga kura litahusisha watu ambao  wamehama kutoka sehemu moja kwenda sehemu nyingine, wale waliokuwa hawajafikisha umri wa kujiandikisha na sasa wamefikisha umri wa kujiandikisha lakini pia kuondoa taarifa za watu waliofariki na sifa zingine ambazo zimeainishwa .

Katibu wa Chama cha Mapinduzi ndugu Charles Jokery, Katibu wa Chama cha Demokrasia na Maendeleo (CHADEMA) ndugu Yohana Mpamba na Mwenyekiti wa ACT wazalendo ndugu Timoth Mwafumu wametoa mapendekezo yao juu ya ratiba iliyotolewa ya kuwaapisha Mawakala lakini pia kupanga vituo kulingana na jographia ya Chunya jinsi ilivyo ili kuwarahisishia  na kuwapunguzia adha mbalimbali Mawakala  wa vyama  vya siasa

Kikao cha Afisa Mwandikishaji jimbo la Lupa na Viongozi wa Vyama vya siasa kimehudhuriwa na  Afisa Mwandikishaji Jimbo, Afisa Uchaguzi, Viongozi kutoka vyama  viNNE  vya siasa ambavyo ni CCM, CHADEMA , ACT wazalendo, CHAUMMA na   Balaza la Wanawake  Chadema (BAWACHA) na kujadili mambo mbalimbali kuhusu zoezi la uboreshaji daftari la kudumu la Mpiga kura ikiwa ni maandalizi kuelekea uchaguzi Mkuu Octoba 2025

Afisa Mwandikishaji jimbo la Lupa wakili Athuman Bamba  akizungumza na Viongozi wa Vyama vya Siasa  juu ya zoezi la uboreshaji wa daftari la kudumu la Mpiga kura

Afisa Uchaguzi Wilaya ya Chunya ndugu Ridhiwani Mshigati akizungumza  sifa za watu wanaopaswa kujiandikisha na kuboresha taarifa zao katika daftari la kudumu la Mpiga kura

Katibu wa Chama cha Demokrsia na Maendeleo Chadema ndugu Yahana Mpamba  akitoa mapendekezo wakati wa kikao cha Afisa mwandikishaji Jimbo la Lupa na vyama viongozi wa vyama vya siasa .

Afisa Mwandikishaji jimbo la Lupa watatu kutoka kulia kwenye picha ya pamoja na Viongozi wa vyama vya siasa Wilaya ya Chunya baada ya kumaliza kikao

Viongozi wa vyama vya siasa Wilayani Chunya wakisikiliza lengo la kikako kutoka kwa Afisa Mwandikishaji Jimbo la Lupa