USAFI IWE JADI YETU

Imewekwa: September 17th, 2023

Afisa utumishi na rasilimali watu wa Halmashauri ya Wilaya ya Chunya ndugu John Maholani akimwakilisha  Mkurugenzi mtendaji wa halmashauri amewataka wananchi  kuendelea kufanya usafi wa mazingira wakati wote na  ili kufanikisha  hio ni lazima  usafiwa mazingira iwe jadi yetu.

Kauli hiyo ameitoa 16/09/2023 wakati wa kilele cha maadhimisho  siku ya usafishaji duniani ambapo kwa halmashauri ya Wilaya ya Chunya wameadhimisha kwa kufanya usafi wa mazingira ya ndani na nje katika Soko la Uhindini lililopo kijiji cha Kibaoni kata ya Chokaaa.

Nae afisa mazingira wa halmashauri ya Wilaya ya Chunya ndugu Yohana  Ngulukia amewataka wananchi kudumisha usafi wa mazingira kama sehemu ya maisha ya kila siku  kwani mazingira yanapokuwa safi  na afya zitakuwa salama  lakini mazingira yanapokuwa machafu husababisha mlipuko wa magonjwa mbalimbali .

“Nawaomba wananchi tuzingatie sana usafi wa mazingira usafi iwe jadi yetu kwani  usafi ni kinga  na kinga ndio tiba ya magonjwa mbalimbali ya mlipuko yanayosababishwa na uchafu wa mazingira  na usafi huu tulioufanya leo hapa uendelee kufanyika mara kwa mara”.

Aidha Ngulukia ameongeza kuwa Jukum la Usafi  wa mazingira ni suala la kulizingatia na kulipakipaumbele  kuanzia majumbani,katika taasisi na maeneo yanayotuzunguka  hivyo ni vyema usafi uzingatiwe kwa kufwata utaratibu pasipo  kusubiria  kuchukuliwa hatua au kotozwa faini kwasababu ya kutokufanya usafi.

‘‘Twendee kufanya usafi hata majumbani kwetu mazingira bado hayaridhishi kila mtu awajibike kwa kufanya usafi wa  mazingira , kuchimba mashimo ya taka na kuchoma taka ngumu  pamoja na kusafisha mitaro inayotuzunguka  tuifanye Chunya yetu iwe safi wakati wote.alisema Ngurukia”

Katibu wa Soko la Uhindini  ndugu Metusela Kilawa kwa niaba ya wafanyabiashara wa soko hilo amewashukuru watumishi mbalimbali na wananchi waliojitokeze kufanya usafi sokoni hapo na kuahidi kuwa usafi wa mazingira sokoni hapo utaendelea kufanyika mara kwa mara.

Maadhimisho haya yameadhimishwa tarehe   16/09/2023  ya kiongozwa na kauli mbiu inayosema “Tuungane pamoja ,Kujifnza,Kupanga na Kuhimiza Uimarishaji Huduma za Udhibiti wa Taka”na yamehudhuriwa na watumishi mbalimbali wa halmashauri ya wilaya ya Chunya, viongozi wa dini, vyombo vya ulinzi na usalama, wananchi na wafanyabiashara  wa soko hilo.

Afisa Mazingira Halmashauri ya wilaya ya Chunya Bw. Yohana Ngulukia amizungumza jambo na wananchi waliojitokeza katika zoezi la kuisafisha dunia Septemba 16, 2023

Wananchi pamoja na watumishi wakichoma taka baada ya kukusanya toka maeneo mbalilmbali ya soko la Uhindi katika siku ya kusafisha Dunia

Baadhi ya wananchi na watumishi wa Halmashauri ya wilaya ya Chunya wakisikiliza nasaha za Viongozi baada ya zoezi la kuisafisha Dunia kukamilika katika soko la Uhindi september 16, 2023