MKAZINGATIE YOTE MTAKAYOFUNDISHWA KWAAJILI YA KUTEKELEZA MAJUKUMU YENU KIKAMILIFU.

Imewekwa: December 19th, 2024

Afisa Mwandikishaji jimbo la Uchaguzi Lupa wakili Athuman Bamba ametoa wito kwa Maafisa waandikishaji wasaidizi ngazi za kata  kuzingatia yale yote watakayofundishwa  ili yakawasaidie kutekeleza majukumu yao  kikamilifu na kwa weledi mkubwa katika zoezi la Uboreshaji wa Daftari la kudumu la Mpiga kura .

Wito huo umetolewa leo Desemba 19 /12/2024 wakati  ufunguzi wa Mafunzo kwa Maafisa waandikishaji wasaidizi ngazi ya kata katika Ukumbi wa Mikutano wa Halmashauri ya Wilaya ya Chunya.

“Ni muhimi mkazingatia yote mtakayofundishwa hapa, kwani Tume inatarajia  baada ya mafunzo haya  mtapaswa kutoa mafunzo haya kwa waendeshaji wa vifaa vya Bayometriki na Waandishi wasaidizi ambao watahusika na Uandikishaji wa wapiga kura kwenye daftari la kudumu la mpiga kura Vituoni “amesema  Wakili Bamba

Sambamaba na wito huo, amewataka  waandikishaji wasaidizi  ngazi ya kata wenye uzoefu kuwasaidia waandikishaji wasaidizi wenzenu  ambao hawajawahi kushiriki katika  zoezi la uboreshaji wa Daftari la Kudumu la mpiga kura  ili waweze kutekeleza majukum yao kikamilifu na kwa weledi

 Aidha amewataka  Maafisa  waandikishaji wasaidizi ngazi  ya kata  kuvitunza vifaa vyote vya Uchaguzi vitakavyotumika   katikia Uboreshaji wa daftari la mpiga kura  ikiwa ni pamoja na kuzigatia maelekezo yote yatakayo tolewa na Tume  katika zoezi la Uandikishaji    ili muweze kuyafanyia kazi kwa usahihi  na ufanisi wakati wa zoezi litakapokuwa limeanza.

Mafunzo yaliyotolewa ni pamoja na namna ya  ujazaji wa fomu wa fomu mbalimbali zitakazotumika wakati wa uandikishaji ,namna ya  kutumia mfumo wa kuandikisha wapigakura(voters registration system VRS pamoja na matumizi sahihi ya vifaa vya uandikishaji wa wapiga kura. Mafunzo haya  yameenda sambamba na kuapishwa kwa Maafisa waandikishaji wasaidizi ngazi ya kata .

Mafunzo kwa Maafisa waandikishaji wasaidizi ngazi ya Kata yanatolewa na Maafisa waandikishaji wa jimbo la Lupa kwa siku mbili tarehe 19 na Tarehe 20/12/2024 ikiwa ni maandalizi ya  uboreshaji wa dafteri la kudumu la mpiga kura kuelekea  Uchaguzi Mkuu  unaotarajiwa kufanyika mwaka 2025 , Mafunzo hayo yamehudhuriwa na Maafisa mbalimbali kutoka Tume ya Uchaguzi , Maafisa waandikishaji ngazi ya jimbo , Hakimu Mkazi Mfawidhi Wilaya ya Chunya, Afisa Uchaguzi Wilaya ya Chunya  na  Maafisa waandikishaji wasaidizi gazi ya Kata.

Afisa Mwandikishaji  jimbo la Lupa wakili Athumani Bamba akifungua Mafunzo kwa Maafisa waandikishaji wasaidizi ngazi ya kata katika ukumbi wa Mikutano wa Halmashauri Jengo jipya la Utawala.

Hakimu Mkazi Mfawidhi wa Wilaya ya Chunya  Mhe.James Mhanusi akitoa maelekezo kwa Maafisa waandikishaji wasaidizi  kabla ya kuwaapisha Maafisa Hao  wakati wa afunzo ya uboreshaji wa Daftari la kudumu la Mpiga kura .

Maafisa waandikishaji wasaidizi wakifuatilia somo la namna ya ujazaji wa fomu mbalimbali za uandikishaji wa wapigakura  yaliyofundishwa na  Afisa mwandikishaji wa Jimbo  la Lupa dkt Lukas Theodory katika Ukumbi wa Mikutano wa Halmashauri uliopo Jengo jipya la Utawala.

Maafisa waandikishaji wasaidizi ngazi ya kata wakila kiapo wakati wa Mafunzo ya uboreshaji Daftari la kudumu la Mpiga kura yaliyotolewa katika ukumbi wa Halmashauri Jengi jipya la Utawala