“MKAWE CHACHU YA KUTUMIA MFUMO MPYA WA UNUNUZI WA UMMA WA NeST"

Imewekwa: August 28th, 2023

Ndugu Vincent Mbua kwa niaba ya Katibu tawala  Mkoa wa Mbeya amewataka washiriki wa Mafunzo  ya mfumo mpya wa ununuzi wa Umma kwa njia ya mtandao  (NeST)  kuwa chachu katika kutumia mfumo huo ili kuleta tija na ufanisi kwa serikari na jamii nzima kama serikali imekusudia .

Kauli hiyo imetolewa Jana Agosti 27, 2023 wakati wa akifunga Mafunzo ya mfumo mpya wa ununuzi wa Umma kwa njia ya mtandao (NeST)  yaliyofanyika katiki ukumbi wa  mikutano wa Ofisi ya Mkuu wa Mkoa wa Mbeya  yaliyojumuisha  Halmashauri zote saba (7)  za Mkoa wa Mbeya

“Ninyi wote mlioshiriki mafunzo haya Kutoka katika Halmashauri zote za Mkoa wa  Mbeya hakikisheni mnakuwa Chachu ya kuwaelewesha na kuwasaidia  wale wanaopaswa kutumia huu mfumo  wa NeST lakini pia kuhakikisha mfumo huu unaeleweka kule manakoenda na kuutekeleza kwa kuufanyia kazi kwa vitendo ili uweze kuwa ni mfumo wenye tija kama ulivyokusudiwa” alisema Mbua

Ndugu Mbua aliongeza kuwa  Mafunzo  mliyoyapata  yakawasaidie ninyi katika kupunguza hoja za wakaguzi wa ndani  na nje lakini pia kuongeza tija, uwazi na uwajibikaji kwa serikari kama ambavyo mfumo umelenge, pia mkaongeze ufanisi katika  mifumo ya manunuzi kwa utendaji wenu mzuri kama Serikali ilivyo kusudia 

“Ni matumaini yangu kuona hoja za ukaguzi katika mfumo huu  wa ununuzi zinapungua kuputia   mfumo huu mpya wa Ununuzi  mliyoyapata  kwa kuongeza umakini katika utendaji kazi wenu na kushirikiana vizuri na wakaguzi wenu wa ndani ili kuhakikisha Mfumo huu unakuwa na tija katika Halmashauri zetu” alisema Mbua

Mmoja wa  washiriki wa Mafunzo hayo ndugu Peter Tengu  kutoka Busokelo amesema kuwa kupitia Mafunzo hayo ya  mfumo  mpya wa ununuzi unaolenga kupunguza mianya ya rushwa, kuongeza Uwazi na Uwajibikaji  yatasaidia kuongeza ufanisi,  kuboresha utendaji kazi na kuleta tija katika serikari na jamii kwa ujumla 

Mafunzo hayo yaliyodumu kwa siku 5 kuanzia  tarehe 23/08/2023 na kuhitimishwa tarehe 27/08/2023  yamejumuisha Halmashauri zote saba za Mkoa wa Mbeya ambazo ni Halmashauri ya wilaya ya Chunya, Rungwe, Busokelo, Mbyeya jiji na Mbeya vjijini, Mbalali na Kyela  yamehusisha  Maafisa Manunuzi, Wakaguzi wa ndani,  Maafisa Tehama, Wanasheria , Maafisa habari na Maafisa Mipango.