MAAFISA LISHE KUSHIRIKIANA NA MAAFISA AFYA KATIKA UKAGUZI WA CHAKULA.

Imewekwa: October 30th, 2024

 Maafisa lishe Wilaya ya Chunya wameagizwa  kushirikiana na Maafisa Afya wakati wanapofanya ukaguzi na  kuangalia usalama wa vyakula   kwa mama ntilie  ili waweze kutoa ushauri wa kitaalamu na mambo yanayopaswa kuzingatiwa katika masuala mazima ya Lishe .

Maagizo hayo ameyatoa  Afisa Mifugo Wilaya ya Chunya Dr Benedicto Matogo kwaniaba ya Mwenyekiti wa kamati ya lishe ambaya ni  Mkrugenzi Mtendaji wa Halmashauri ya Wilaya ya Chunya leo Octoba 31/2024 wakati wa kikao cha Kamati ya lishe robo ya kwanza kilichoketi katika Ukumbi wa Mikutano wa Halmashauri

“Mjitahidi kuambatana  na kushirikiana na Maafisa afya wanapokuwa wanafanya ukaguzi wa chakula na kuangalia usalama wa mazingira ya utayarishaji wa vyakula kwa mama ntilie ili muweze kutumia nafasi hio kutoa elimu  na ushauri wa kitaalamu kuhusu masuala ya lishe na namnna ya kuandaa vyakula kwa kuzingatia makundi ya vyakula” alisema Dr Matogo.

Aidha ametoa rai kwa Wajumbe wa kamati ya Lishe kuhakikisha wanatekeleza yale yote waliyokubaliana katika kikao hicho ikiwa ni pamoja na kutekeleza mapango kazi ambao kila idara imejipangia kutekeleza juu ya lishe lakini pia kuhakikisha bajeti ya mwaka wa fedha unaokuja wanakumbuka kuzitengea bajeti shughuli za lishe ambazo ni za muhimu ili ziwezwe kutekelezeka.

Pia amewaataka Maafisa kilimo waliopo ngazi ya kata kuhakikisha wanashirikiana na wakuu wa Shule katika maeneo yako ili kuhakikisha  maeneo yote yaliyoytengwa na shule kwaajili ya shughuli za kilimo yanalimwa na yanapandwa  mazao lishe  ili kurahisisha upatikanaji wa chakula shuleni.

Naye Afisa lishe Wilaya ya Chunya bi Rehema Hiluka amewaomba idara ya elimu Msingi na Sekondari wanapokuwa wanafanya ufwatiliaji kwenye Shule zao  wafwatilie pia Suala la ulaji wa chakula kwa wanafunzi wanapokua Shuleni lakini pia kukagua stoo ambazo wanahifadhia chakula ili kuwa na uhakika wa upatikanaji wa chakula shuleni ikiwa ni adhima ya serikali kuhakikisha watoto wote wanapata chakula wanapokuwa Shuleni.

Kikao cha kamati ya Lishe robo ya kwanza kwa kipindi cha mwezi Julai hadi Septemba kimeambatana na uwasilishaji wa taarifa za utekelezaji kutoka katika idara ya Lishe, Idara ya elimu ya awali na msingi,Idara  elimu Sekondari,Idara ya Kilimo na Mifugo na  Idara ya Maendeleo ya Jamii ambapo katika taarifa hizo suala la uhamasishaji na elimu kwa wananchi juu ya masuala ya lishe limekuwa ni kipaumbele chao.

Afisa lishe Wilaya ya Chunya bi Rehema Hiluka  akielezea  namna ambavyo masuala ya Lishe yanatekelezwa katika ngazi za Kata wakati wa kikao cha kamati ya Lishe robo ya kwanza Julai hadi Septemba kilichoketi katika. Ukumbi wa Mikutano wa Halmashauri

Wajumbe wa kamati ya Lishe wakiendelea kupitia taarifa za idara mbalimbali zinazotekeleza afua za lishe wakati wa kikao cha robo ya kwanza ya mwezi Julai hadi Septemba  kilichoketi katika Ukumbi wa Mikutano wa Halmashauri.

Afisa elimu watu wazima na elimu nje ya Mfumo  halmashauri ya Wilaya ya Chunya Mwl Lukelo Mng'ong'o akisoma taarifa ya utekelezaji  afua za lishe idara ya elimu Msingi na awali katika kikao cha kamati ya lishe.