WATUMISHI WATAKIWA KUENDELEA KUSIMAMIA MAADILI NA WAJIBU WAO.

Imewekwa: February 3rd, 2025

Hakimu Mkazi mfawidhi mahakama ya Wilaya  Mhe.James Mhanusi amewataka  watumishi wa kada zote kuendelea kusimamia maadili na  kutekeleza wajibu wao wa kuwahudumia wananchi  na  kujiepusha na vitendo visivyo vya kimaadili  huku wakizingatia misingi ya kutenda haki wawapo kazini  ikiwa ni pamoja na kuhakikisha huduma za utoaji haki kwa wananchi zinapatikana kwa wakati.

Hayo ameyasema leo tarehe 3/2/2025 wakati wa kilele cha maadhimisho ya wiki  ya sheria nchini  yaliyofanyika katika ukumbi wa Mikutano wa Halmashauri ya Wilaya ya Chunya (Sapanjo) yakiongozwa na kauli mbiu isemayo “Tanzania ya 2050: nafasi ya taasisi zinazosimania haki madai katika kufikia malengo makuu ya dira ya Taifa ya maendeleo,”

“Mahakama ya Wilaya ya Chunya  tumeendelea kukemea vitendo vya rushwa na ukiukwaji wa maadili kwa watumishi  na kukumbushana kuhusu maadili na wajibu wetu tuwapo kazini,lakini pia kuhakikisha huduma za utoaji haki kwa wananchi zinapatikana kwa wakati  na kuendelea kusirikiana vema na wadau wote na wananchi kwa ujumla  ili kutimiza wajibu huo”. Alisema Mhe. Mhanusi

Vile vile Mhe. Mhanusi amesema kuwa Mahakama imeendelea kusikiliza mashauli mbalimbali  na kutoa nakala za hukumu  kwa wakati , kusikiliza malalamiko ya wadau na kuyatolea majibu  kwa wakati hali inayofanya wananchi  kupata haki zao kwa wakati lakini pia inasaidia  mahakama kutokuwa na mulundikano wa mashitaka.

 Katibu tawala wa  Wilaya ya Chunya ndugu Anakleth Michombero akimwakilisha Mkuu wa Wilaya ya Chunya   amewataka wadau wa mahakama kuendelea kushirikiana katika kutekeleza majukumu yao na kutenda haki ili kupunguza mrundikano wa majukumu upande mmoja kwani kila  taasisi inayosimamia haki  ikitekeleza majukumu yake  itasaidia kupunguza  mzigo wa majukum  katika taasisi nyingine .

Naye Mkuu wa Mashitaka Wilaya ya Chunya  ndugu Mwajabu Tengeneza amesema kuwa  madhumni ya siku ya sheria ni pamoja na kutathimini dhana ya utoaji wa haki  na mchango wa kila taasisi inayotoa haki, kutoa elimu juu ya haki kwa jamii  na kuwaombea majaji na mahakimu  ili waendelee kutekeleza majukumu yao ya kutenda haki kwa hekima na busara.

Wadau mbalimbali  ikiwa ni  pamoja na Ustawi wa Jamii , jeshi la polisi , takukuru na wadau wengine  wameeleza umuhim wa  wiki ya sheria kwani imekuwa msaada mkubwa katika kuelimisha jamii juu ya mambo mbalimbali yahusuyo sheria  na kuwawezesha wananchi kutambua wajibu na haki zao katika jamii na taifa kwa ujumla.

 Kilele cha maadhimisho ya wiki  ya sheria nchini  huadhimishwa kila mwaka mwanzoni mwa mwezi February ambapo kwa mwaka huu  maadhimisho yalitanguliwa na wiki ya sheria iliyoanza tarehe 25/1/2025 katika Wilaya ya Chunya ,uzinduzi wa wiki ya sheria ulifanyika katika kijiji cha Kambikatoko kata ya Kambikatoto na kilele cha maadhimisho kimefanyika leo tarehe 3/2/2025 katika ukumbi wa Mikutano wa Halmashauri (Sapanjo) uliopo kata ya Itewe  na kuhudhuriwa na viongozi wa dini, vyama vya siasa wadau wa Mahakama  , kwaya  kutoka madhebebu mbalimbali na  wanafunzi .

Akimwakilisha Mkuu wa Wilaya ya Chunya Katibu tawala wa Wilaya ndugu Anakleth Michombero amewataka wadau kuendelea kushirikiana katika utekelezaji wa majukumu , hayo ameyasema wakati wa kilile cha maadhimisho ya wiki ya sheria yaliyofanyika Ukumbi wa Halmashauri ya Wilaya ya Chunya (Sapanjo).

Shekh Kasimu Issa akiomba dua wakati  wa kilele cha maadhimisho ya wiki ya sheria yaliyofanyika katika ukumbi wa mikutano wa Halmashauri ya Wilaya ya Chunya ( Sapanjo).

Watumishi wa Mahakama wakiwa kwenye picha ya pamoja na meza kuu wakati wa kilile cha maadhimisho ya wiki ya sheria Wilayani Chunya.

Viongozi wa Madhehebu mbalimbali wakiwa kwenye picha ya pamoja na meza kuu wakati wa kiklele cha maadhimisho ya wiki ya sheria yaliyofanyika katika ukumbi wa mikutano wa Halmashauri ya Wilaya ya Chunya (Sapanjo)