WATOROSHAJI WA MADINI WAONYWA CHUNYA

Imewekwa: October 28th, 2023

 Waziri  wa Madin wa Jamhuri ya Muungano wa Tanzania Mhe. Anthony P. Mavunde ametoa  onyo kwa baadhi ya watu wasio waaminifu  wanaotorosha madin kuacha maramoja tabia hiyo kwani  inachangia upotevu wa mapato katika nchi na kukwamisha utekelezaji wa miradi mbalimbali ya maendeleo  ikiwa ni pamoja na miradi ya elimu ,afya  barabara, maji na mingine.

Ametoa onyo hilo  leo tarehe 28/10/2023 kwa nyakati tofauti alipotembelea Soko la kuu la Madini la Halmashauri ya wilaya ya Chunya na Kituo cha Madini Itumbi wakati alipofanya ziara ya kutembelea Mkoa wa kimadini Chunya mapema leo.

“Nitumie fursa kuwataka watanzania wote hasa wale ambao wanaendelea kuijaribu serikali kuacha mara moja biashara hiyo ya utoroshaji wa madini kwani tutachukua hatua stahiki ikiwa ni pamoja na kusimamisha na kufuta leseni ya biashara ya madini nchi nzima kwa mtu atakayebainika kufanya utoroshaji wa madini lakini pia kufwatilia mnyororo mzima wa watu hao kuanzia chini mbaka juu” alisema Mhe. Mavunde.

Awali akitoa salamu za wananchi wa wilaya ya Chunya Mkuu wa Wilaya ya Chunya Mhe. Mayeka S.Mayeka ameipongeza serikali kwa kuweka mazingira mazuri  katika sekta ya Madini ikiwa ni pamoja na masoko ya dhahabu kwani masoko hayo yamesaidia kudhibiti mapato yatokanayo na uchimbaji wa Dhahabu suala linalopelekea Halmashauri kuendelea kuongezekana katika suala la ukusanyaji wa mapato.

Akitoa taarifa ya madini mkoa wa kimadini Chunya Afisa madini mkazi ndugu Sabahi Nyasiri amesema kuwa miongoni mwa changamoto wanazokabiliana nazo ni pamoja na utoroshwaji wa madini unaofanywa na baadhi ya wachimbaji wasio waaminifu  ambapo hivi karibuni wamefanikiwa kukamata  dhahabu kg 6.9 kwa kushirikiana na kikosi kazi pamoja na jeshi la polisi.

“Tumeendelea kufanya ufuatiliaji  wa mara kwa mara  kwa kushirikiana na kikosi kazi   cha kuzuia utoroshaji wa dhahabu pamoja na jeshi la polisi ili kuhakikisha tunawakamata watorashaji wa madini na hivi karibuni tumefanikiwa kukamata dhahabu ya kg 6.9 na hii ilikuwa ni kiu yetu ili kuhakikisha tnamsababishia mtu hasara kutokana utoroshaji wa madini"

Ziara ya waziri wa Madini imekuja ikiwa ni siku chache wilaya ya Chunya Imedhibiti utoshaji wa Madini ambapo imekamata madini kilogramu 6.9 zenye thamani ya zaidi ya zaidi ya shilingi milioni 961,000,000/= ambapo halmashauri ingepoteza zaidi ya Shilingi milioni sitini na nane (68,000,000/=)

Waziri wa Madini Mhe Mavunde akisalimia na viongozi mbalimbali wakati alipokuwa anawasili wilayani Chunya Waziri wa Madini Mhe Mavunde akionesha sehemu ya madini yaliyokamatwa yakitoroshwa kutokana wilayani Chunya