SIRI YA CHUNYA KUONGOZA KATIKA MASHINDANO YA AFYA NA USAFI WA MAZINGIRA MKOA WA MBEYA.

Imewekwa: May 16th, 2024

Halmashauri ya Wilaya ya Chunya imeibuka mshindi  katika mashindano  ya Afya na Usafi wa mazingira ambayo huratibiwa na Wizara ya Afya ambayo yamekuwa  yakifanyika kila mwaka nchi nzima  katika mashindano yaliyofanyika Julai  2023 Halmashauri ya Wilaya ya Chunya imeshika  nafasi ya kwanza kimkoa kati ya  Halmashauri za Wilaya 6  zinazopatikana katika Mkoa wa Mbeya

Takwimu hizo zinathibitishwa na ripoti ya  matokeo  ya Mashindano ya Afya na usafi wa mazingira  mwaka 2023 yaliyotolewa na Wizara ya  Afya  ambapo zoezi hilo lilifanyika Halmashauri ya wilaya ya Chunya imeshika nafasi ya 22 kati ya Halmashauri 137 zilizoshiriki wakati katika Halmashauri za Mkoa wa Mbeya Chunya Ndio Kinara kwa kushika nafasi ya kwanza, huku Kijiji cha Chunya Mjini kikishika nafasi ya 14 katika ya vijiji 274 viilivyoshiriki na kwenye Mkoa wa Mbeya Kijiji cha Chunya mjini Kimeshika nafasi ya kwanza kwa vijiji vyote vilivyoshiriki. 

Afisa  Afya wilaya ya Chunya ndugu Baraka Kipesha akiweka bayana  baadhi ya  mambo ambayo yamesababisha Halmashauri ya Wilaya ya Chunya kuibuka mshindi ikiwa  ni pamoja na  Ushirikiano na kujituma katika kazi lakini pia ufuatiliaji unaofanyika mara kwa mara na uhamasishaji juu ya usafi wa mazingira katika ngazi ya kaya hadi kijiji

“Tumekuwa tukifanya ufuatiliaji na kuhamasisha  juu ya usafi wa mazingira  mara kwa mara  katika maeneo mbalimbali ya  vijiji na kaya katika Halmashauri yetu ili kuhakikisha mazingira yanakuwa safi na salama kwa Afya ya Wananchunya  na kuhakikisha  tunaendelea kufanya vizuri zaidi katika mashindano ya Afya na usafi wa mazingira kwani lengo letu ni kuwa nafasi ya kwanza kitaifa”  alisema Kipesha

Aidha agenda ya  usafi wa mazingira imekuwa ni agenda ya kudumu katika Halmashauri ya Wilaya ya Chunya ili kuhakikisha jamii  inaishi katika mazingira safi na salama pamoja na kujikinga na Magonjwa ya mlipuko ambayo husababishwa na uchafu wa mazingira  ambapo katika  ngazi za vijiji kumekuwa na sheria ndogo  zinazotumika katika kusimamia usafi wa mazingira katika jamii.

Katika taasisi mbalimbali kama Shule kumekuwa na klabu za Usafi wa mazingira (School water sanitation and hygiene club)  ambazo zimekuwa  na jukuma la kuhamashisha  wanafunzi wenzao kuzingatia usafi wanapokuwa shuleni na majumbani kwao ili kuweza kujiepusha  na magonjwa ya mlipuko

Mashindano ya Afya na usafi wa mazingira ambayo hufanyika kila mwaka  hujumuisisha maeneo mbalimbali  ikiwa ni pamoja na  Taasisi mbalimbali kama Hospitali , Kanisa , Mahakama Shule na maeneo mengine lakini pia kaya mbalimbali ambapo maeneo mbalimali hukaguliwa kulingana na vigezo vilivyoainishwa katika mwongozo ambapo kijiji cha Chunya mjini kimeibuka  na Ushindi kwa kupata alama 179 kati ya alama 193 ambazo ni sawa na  asilimia 93.

Ukitaka kuona taarifa kwa Undani  Bonyeza link ifuatayo https://chunyadc.go.tz/announcement/matokeo-ya-mashindano-ya-afya-na-usafi-wa-mazingira-kitaifa-chunya-yafanya-vizuri