ZIARA YA MWEMYEKITI WA UMOJA WA VIJANA WA CHAMA CHA MAPINDUZI ( UVCCM) TAIFA WILAYANI CHUNYA NDG KHERI D.JAMES-08/12/2018

Imewekwa: December 10th, 2018

Mwenyekiti wa Umoja wa vijana chama cha mapinduzi NDG KHERI D.JAMES alitembelea wilaya ya chunya katika ziara zake za kikazi Mkoani Mbeya. 

Katika ziara hiyo wilayani Chunya, alipata nafasi ya kuongea na  watumishi wa Halmashauri ya wilaya ya Chunya ambao ni wakuu wa Idara naVitengo, 

TAKUKURU Pamoja na kamati ya ulinzi na usalama ya wilaya

Katika kikao chake hicho, alitoa elimu juu ya mambo mbalimbali ikiwa ni pamoja na uhusiano ulipo baina  ya chama tawala na serikali. 

Katika hili alieleza kuwa Chama na serikali zinakuwa na mahusaino katika Nyanja zifuatazo:-

• Ridhaa ya wananchi katika kuchagua chama wanachokipenda na kukipa dhamana ya kuongoza dola au nchi
• Ilani ya chama tawala hutekelezwa au  inatekelezwa na watumishi wa umma
• Mamlaka ya uteuzi na uchaguzi alionao Raisi wa Jamhuri ya Muungano wa Tanzania
• Katika utekelezaji na upangaji wa bajeti katika ngazi za serikalai za mitaa (Halmashauri) amabpo  huwasilisha katika ngazi za juu kwa ajil ya kupitishwa

Pia mheshimiwa mwenyekiti hakuacha kuwahusia watumishi wa umma kuwa na mahusiano mazuri sehemu za kazi na  nje ya sehemu za kazi kwani ni nguzo muhimu katika ujenzi wa Taifa letu