Ubalozi wa Finlanda na UNICEF wafanya Ziara Wilayani Chunya

Imewekwa: September 22nd, 2022

Wawakilishi Toka Ubalozi wa Finland Tanzania na UNICEF Jana tarehe 21.09.2022 wamefanya ziara katika kitongoji cha mkola,kata ya mkola wilaya ya Chunya, mkoa wa Mbeya kwa lengo la kushuhudia shughuli za Utoaji wa Chanjo kwa watoto wenye umri chini ya miaka Mitano, ikiwa ni pamoja na utoaji wa chanjo dhidi ya Ugonjwa wa Uviko 19.

Ubalozi wa Finland Tanzania uliwakilishwa na Miss. Maiju Palosaari wakati UNICEF iliwakilishwa na Makamu mwakilishi nchini Bw. Osmne Niang wakiongozwa na Viongozi toka Mkoani na wilayani.

UNICEF na Ubalozi wa Finland wamekuwa wadau wa kubwa ndani ya wilaya ya chunya kwa kutoa ufadhili wa chanjo mbalimbali.

Akizingumza wakati wa kutambulisha ugeni huo Mganga mkuu wa wilaya ya Chunya Dr. Darison Andrew alisema ubalozi wa Finland umekuwa unatoa ufadhili wa chanjo hasa ya Uviko19

Dr. Darison amesema UNICEF wamekuwa wakitoa ufadhili wa chanjo zote za watoto wenye umri chini ya miaka mitano, pia UNICEF wanaisaidia serikali kuboresha miundombinu katika hospitali ya wilaya ya Chunya, sambamba na ujenzi wa jengo la upasuaji katika kituo cha afya Lupa.

Kwaupande wa mwakilishi kutoka Ubalozi wa Finland Tanzanania alisema anayofuraha kufika katika kitongoji cha mkola na kujifunza jinsi gani serikali na jamii wameweza kuongeza utumiaji wa chanjo ya Uviko.

 “Nimuhimu sana chanjo ya Uviko iwafikie wananchi na tunashukuru sana kwa ushirikiano tunaoupata kupitia UNICEF na Serikali” Miss Maiju Palosaari

Kazi zinazofanywa na Ubalozi wa Finland inaanzia ngazi ya kitaifa mpaka katika ngazi ya jamii na ndio maana leo tupo hapa mkola alisema Palosaari.

Aidha Makamu mwakilishi wa UNICEF Tanzania Bw. Osmane Niang amewapongeza wananchi wa Mkola kwa jitihada zao za kuakikisha watoto wanapata haki zao za msingi

“Nikiangalia watoto waliopo hapa inaonyesha jinsi gani mnavyo wahudumia vizuri hasa katika upande wa huduma zakiafya, wanaonekana wanaafya Njema” alisema Niang.

Mwakilishi toka Ubalozi wa Finland Tanzania Miss. Maiju Palosaari akizungumza na Wananchi wa kitongoji cha Mkola waliojitokeza katika siku ya Chanjo kwa Watoto, mama wajawazito na chanjo kwa watu wazima.

Wananchi wa kitongoji cha Mkola waliojitokeza katika Siku ya Chanjo iliyofanyika katika viwanja vya Ofisi ya Kitongoji.