SHIRIKIANENI KUDHIBITI UPOTEVU WA MAPATO CHUNYA.

Imewekwa: October 30th, 2023

Mkuu wa wilaya ya Chunya Mhe. Mayeka Saimon Mayeka amesema kuwa upotevu wa mapato ni jambo ambalo linarudisha nyuma maendeleo ya Halmashauri hivyo waheshimiwa Madiwani na wataalam mshirikiane katika kudhibiti mianya ya upotevu wa mapato katika vyanzo mbalimbali vya mapato ya Halmashauri ikiwa ni pamoja na kudhibiti utoroshwaji wa madini na vyanzo vingine   ili kuendelea kufanya vizuri zaidi katika ukusanyaji wa mapato kama ambavyo Halmashauri  imekuwa ikifanya vizuri

Hayo yamesemwa  na Mkuu wa Wilaya ya Chunya wakati akitoa salam mwishoni mwa juma katika mkutano wa Madiwani robo ya kwanza uliofanyika katika ukumbi wa mikutano wa Halmashauri  uliohudhuriwa na  wadau mbalimbali   

‘’Vita ya utoroshwaji wa dhahabu bado inaendelea kwa kasi na vita hii  si vita ya mtu mmoja   niwaombe Waheshimiwa Madiwani na wataalam tushirikiane  kudhibiti  utoroshwaji wa dhahabu  kwani unaathiri sana mapato yetu kama  Halmashauri kwa kutukosesha ushuru wa huduma ( sevice levy) kwasababu ya watu wachache wasiokuwa waaminifu”  alisema Mhe. Mayeka

Aidha Mkuu wa Wilaya amesema kuwa  miradi mingi ya Halmashauri inatekelezwa kwa kutumia mapato ya ndani  hivyo jitihada  Zaidi zinzhitajika katika  kudhibiti upotevu wa mapato  ili kuiwezesha  halmashauri  kuendelea kufanya vizuri na  kuongoza  katika ukusanyaji wamapato kimkoa

 ‘’Niwaombe waheshimiwa Madiwani na wataalam twendelee kushirikiana katika Nyanja zote ili kuhakikisha  hakuna mianya yoyote ya upotevu wa mapato ikiwa ni pamoja na   kuangalia mapungufu yaliyojitokeza wakati uliopita na kuyafanyia kazi ili twendelee kufanya vizuri zaidi na zaidi katika ukusanyaji wa mapato’’  alisema Mhe. Mayeka

Nae mwenyekiti wa Chama cha Mapinduzi ndugu Noel Chiwanga wakati akitoa salamu ameipongeza Halmashauri ya Wilaya ya Chunya kwa kwendelea kufanya vizuri katika mambo mbalimbali ikiwa ni pamoja na ukusanywaji wa mapato lakini pia usimamizi mzuri wa fedha za serikali ya awamu ya sita chini ya mhe. Rais Samia Suluhu Hassani katika kutekeleza miradi mbalimbali ya maendeleo.

Mkutano wa baraza la madiwani umehudhuriwa na Mkuu wa wilaya   waheshimiwa Madiwani, Wakuuwa idara mbalimbali katika halmashauri ya wiliya ya Chunya , viongozi wa chama cha Mapinduzi , wadau kutoka taasisi mbalimbali , waandishi wahabari  pamoja na wananchi.

Makam Mwenyekiti  wa halmashauri ya Wilaya ya Chunya Mhe. Ramadhani Shimbi  wapili kutoka kulia akiendelea kuongoza wajumbe wa mkutano wa cha  la madiwani katika kuchangia mada